Bassma Elrayan
ليك يا بلدى
بما ان كل المصريين نفسهم يشاركوا فى تطور بلدهم و النهوض بها و بشعبها عشان
تبقى احسن
و بما ان كلنا حابيين نساهم فى الحياه السياسيه بشكل عملي
و بما ان كل واحد فينا له صوت مسموح و بيفرق ف الانتخابات
و بما ان الاستفتاء اللي فات كان في ناس كتير قوى مش عارفه هى ليه بتقول اه او لأ
و ناس اكتر منزلتش من اساسه لأنها مش عارفه تقول ايه او مش حاسه ان صوتها هيفرق
و بما ان كلنا متفقين ان الثورة عظيمه بس مش ده اللى احنا كنا عايزينه بالضبط
و بما ان كلنا متفقين ان البلد دى و ناسها يستاهلوا احسن من كده بكتير
و بما اننا عايزين نبقى احسن و كلنا عايزين نبقى سياسيين
فواجب علينا نوعى الناس و نفهمهم علشان مينضحكش عليهم
و واجب علينا قبل اما نعمل حزب نفهم كل اهالينا و جيرانا و الناس اللى حوالينا
و واجب علينا نشتغل صح لجل ما صوتنا يوصل للى فوقينا
و ده طبعا عن طريق كل المصريين اللى هيفهموا حقوقهم القانونيه و الانسانيه و واجباتهم تجاه بلدنا اغلى ما لينا
و لأن كل واحد فينا يقدر يساعد بحاجه
و لأن كل واحد فينا لازم لبلده يعمل حاجه
ولأننا لازم نشتغل صح و مفيش قدامنا وقت نضيعه
و بما ان كل قصور الثقافه مفتوحه لتوعيه الناس سياسيا
ولأن فى شيوخ كتير متفقين معانا في فكرنا الوسطى الديمقراطى
ولأن فى متخصصيين هيدربونا و يشرحولنا مفاهيم سياسيه و حقوقيه
ولأن في أساتذة تنميه بشريه هيدربونا ازاى نوعى المجتمع و نتعامل مع الشارع بصفه عامه و السيايه بصفه خاصه
و لأن كل واحد فينا وجوده هيفرق ف مستقبل البلد
ارجوك ما تبخلش و ساهم معانا بوقتك و مجهودك
التدريب هيكون ف الدقى
و لمده 4 ايام
منهم يومين مسائى 4 ساعات ف اليوم و غالبا هيكونوا اربع و خميس
و يومين من 10 ل 6 و غالبا ما هيكونوا جمعه و سبت
و المجموعه من 20 مصرى بمختلف الثقافات و الاهداف و الافكار السياسيه او من غير و من مختلف المجالات و الاعمار و الدراسات و متفقين ف كونهم مصريين بيحبوا البلد و عايزين مصر تبقى احسن
و بعدين نبدأ الشغل
اشطر 2 او 3 فى المجموعه هيساعدوا ف تدريب المجموعه اللى بعد كده طبعا مع الاساتذة و الدكاترة المتخصصيين
و اللى ميقدرش ينزل يوعى الناس ف الشارع ممكن يعمل عمل سيكرتاريه ان شاء الله ساعتين ف اليوم تطوعا و هو اللى يحدد جدوله لنفسه بس مطلوب منه يلتزم بيه
و اللى مش قادر لا على ده و لا على ده و حابب يساهم ماديا عشان هنعمل كتب توعيه سياسيه بلغه الشارع ممكن قوى و يبقى كتر خيره
و على فكرة التدريبات مجانيه كله ف حب الوطن
مطلوب منك دلوقتى لو حابب تشارك لأننا هنبدأخلال ايم تبعت لى اسمك و رقم تليفونك و بريدك الالكترونى و اسم المنطقه اللى انت ساكن فيها و يا حبذا لو علاقتك بالسكان هناك و تصورك لنوعيه الناس اللى فيها و لو فى مراكز شباب قريبه ليك و تقر استعدادك للعمل التطوعى فى سبيل بلدك "مصر" لو غاليه عندك شارك معانا لأنهنا محتجالنا كلنا
ابعت لى ايميل بعنوان ليك يا بلدى على
bassmaelrayan@yahoo.com
No comments:
Post a Comment