و فجأة و بدون مقدمات حسيت الارض اتجمدت تحت رجليا
مش حاسة بخطوتى و لا عارفة انا فين
هو انا صحيت من النوم و لا انا لسه بحلم
لا اكيد ده لسه حلم
لا ده كابوس
طب لو كابوس انا ليه مش عارفة افوق منه
هو انتوا سامعين صوتى
طب انتوا شايفنى
الارض بدأت ننحرك
حاسة برعشة فى جسمى
نبرة صوتى بتتغير
انا اذاى وصلت هنا
انت كنت معايا صح
كنت موجود
انت شفت كل اللى كان و كل اللى كان هيكون
طب انت رحت فين
فاكر
لأ اذاى نسيت
سامعة صوت الاذان فى ودانى عالى
يا رب انت القادر على كل شئ
هو انا اللى اخترت ولا الزمن وقف و انت هناك
و كأنك جيت و مشيت و لا حسيت
يا الله
يا رحمن يا رحيم
انت اعلم بيا من نفسى
اهديلى نفسى اللى فيا و نفسى اللى مش فيا
يا رب
No comments:
Post a Comment